جمائما گولڈ اسمتھ کی فلم چار نیشنل ایوارڈز جیتنے میں کامیاب

لندن: برطانیہ سے تعلق رکھنے والی فلم پروڈیوسر اور پی ٹی آئی کے چیئرمین کی سابقہ اہلیہ جمائما گولڈ اسمتھ کی فلم 4 نیشنل ایوارڈ لے اُڑی۔
اس ضمن میں پروڈیوسر جمائما گولڈ اسمتھ نے فوٹو اینڈ ویڈیو شیئرنگ ایپ انسٹاگرام پر تصاویر شیئر کرتے ہوئے ہوئے مداحوں کو اس خبر سے آگاہ کیا کہ ان کی فلم نے مختلف کیٹگریز میں ایوارڈز جیت لیے ہیں۔
جمائما کی فلم واٹس لو گاٹ ٹو ڈو وِد اِٹ نے بہترین اسکرین پلے، بہترین برطانوی فلم، بہترین ہدایت کار اور بہترین سپورٹنگ ایکٹر کا ایوارڈ حاصل کیا ہے۔
جمائما گولڈ اسمتھ نے اپنی پوسٹ میں خوشی کا اظہار کرتے ہوئے لکھا کہ کوئی بھی اپنی تعریف خود نہیں کرنا چاہتا، لیکن ہماری فلم نے چار نیشنل فلم ایوارڈز جیت لیے ہیں میں بہت شکر گزار اور خوشی محسوس کررہی ہوں۔
جمائمہا نے اپنی ٹیم کا شکریہ ادا کرتے ہوئے انہیں کامیابی سمیٹنے پر شاباشی بھی دی۔
خیال رہے کہ جمائما کی اس فلم میں پاکستان کے رسم و رواج اور ثقافت کی عکاسی کی گئی ہے جب کہ اس فلم میں پاکستان کی مشہور اداکارہ سجل علی نے بھی کردار نبھایا ہے۔