جویریہ عباسی کی ہانیہ عامر کی نظر اتارنے کی ویڈیو وائرل

کراچی: سینئر اداکارہ جویریہ عباسی اپنی زندہ دلی کے باعث شوبز انڈسٹری میں خاصی مقبول ہیں۔ ڈراموں میں ماں کا کردار نبھانے والی جویریہ عباسی حقیقی زندگی میں بھی اپنی شفقت کا مظاہرہ کرتی نظر آتی ہیں۔
حال ہی میں ایک ڈرامے کے سیٹ پر جویریہ عباسی کو اداکارہ ہانیہ عامر کو نظرِ بد سے محفوظ رکھنے کے لیے نظر اتارتے ہوئے دیکھا گیا، جس کی ویڈیو سوشل میڈیا پر وائرل ہوگئی۔
ویڈیو میں جویریہ عباسی ہانیہ کے لیے دعا کرتی اور دم درود کرتی دکھائی دیں، جس پر مداحوں نے ان کے اس خلوص کو خوب سراہا۔
صارفین کا کہنا ہے کہ جویریہ عباسی نے ثابت کردیا کہ وہ نہ صرف اسکرین پر بلکہ حقیقی زندگی میں بھی ماں جیسی محافظ ہیں۔
دوسری جانب ہانیہ عامر اس محبت بھری توجہ پر مسکراتی نظر آئیں۔
اس ویڈیو پر سوشل میڈیا صارفین جویریہ عباسی کی اس محبت کی ستائش کرتے نظر آتے ہیں۔