برآمدات میں کمی: ایکسپورٹرز جلد نقصان کا ازالہ کرلیں گے، مشیر تجارت

کراچی: عبدالرزاق داؤد کا کہنا ہے کہ اگست میں برآمدات ساڑھے 19 فیصد کم رہیں، ایکسپورٹرز نقصانات کا ازالہ جلد کرلیں گے۔
مشیر تجارت عبدالرزاق داؤد نے سماجی رابطے کی ویب سائٹ ٹویٹر پر لکھا کہ بارشوں کے باعث برآمدات بری طرح متاثر ہوئیں، یہ عارضی کمی ہے، ایکسپورٹرز پر پورا بھروسہ ہے وہ جلدہی نقصان کا ازالہ کرلیں گے۔
اُن کا مزید کہنا تھا کہ تجارتی خسارے میں مسلسل کمی ہورہی ہے۔ میک ان پاکستان کی پالیسی کو لے کر چلنا ہوگا۔