کراچی: آج تک یہ سوال بہت شدت سے سننے میں آرہا ہے کہ کیا آئمہ بیگ جلد پیا دیس سدھارنے والی ہیں۔ گلوکارہ آئمہ بیگ کے گزشتہ کچھ دنوں سے سوشل میڈیا پر کافی چرچے ہورہے ہیں، جس کی وجہ ان کا اور ساتھی گلوکارہ سارہ رضا خان کا تنازع تھا تاہم اب آئمہ بیگ نے ایک مرتبہ پھر سوشل میڈیا صارفین کی توجہ حاصل کرلی ہے۔
اس بار سوشل میڈیا پر گلوکارہ کی مقبولیت کی وجہ ان کے ساتھ دوسری مرتبہ دکھائی دیے جانے والا ایک شخص ہے جس کے ساتھ آئمہ محبت میں مبتلا معلوم ہورہی ہیں۔
کچھ دن قبل آئمہ بیگ نے سوشل میڈیا پر ایک شخص زینو کے ساتھ ڈنر کی ایک تصویر اسٹوری پر اپ لوڈ کی تھی، تاہم اب گلوکارہ نے جو تصویر شیئر کی ہے اس میں یہ شخص گلوکارہ سے محبت کا اظہار کررہا ہے۔
آئمہ بیگ کی جانب سے شیئر کردہ تصویر میں دیکھا جاسکتا ہے کہ ڈنر ٹیبل پر پلیٹ میں ڈیزرٹ پیش کیا گیا ہے، جس پر چاکلیٹ سے آئی لو یو لکھا ہوا ہے۔
ساتھ ہی آئمہ نے اپنی تصویر بھی شیئر کی، جس میں انہیں ہرے رنگ کا ویسٹرن ڈریس پہنے دیکھا جاسکتا ہے۔
اس کے بعد سوشل میڈیا صارفین کے ذہنوں میں سوال اُٹھ رہا ہے کہ کیا آئمہ بیگ شادی کے بندھن میں بندھنے والی ہیں۔
خیال رہے کہ ماضی میں آئمہ بیگ کی منگنی اداکار شہباز شگری کے ساتھ کچھ عرصہ رہی تھی، پھر یہ تعلق ختم ہوگیا تھا۔