بھارتی اسٹار کا ہانیہ عامر سے ملنے کیلئے پاکستان آنے کا اعلان

کراچی: بولی وُڈ کی اداکارہ و ماڈل راکھی ساونت نے ہانیہ عامر سے ملاقات کے لیے پاکستان آنے کا اعلان کردیا۔
راکھی ساونت کی جانب سے ایک ویڈیو سوشل میڈیا پر پوسٹ کی گئی، جس میں انہوں نے بیگ سمیت ایئرپورٹ پر دیکھا جاسکتا ہے۔
ویڈیو پیغام میں راکھی پاکستانی اداکارہ ہانیہ عامر سے اپنی محبت کا اظہار کرتے ہوئے کہتی ہیں کہ وہ پاکستان آرہی ہیں اور ہانیہ عامر کے گھران کے ساتھ رہنا چاہتی ہیں۔
راکھی نے کہا کہ میں پاکستان کے سب بڑے اسٹارز ہانیہ، نرگس اور دیگر سے ملنا چاہتی ہوں، اس لیے پاکستان آرہی ہوں، ہانیہ مجھے ایئرپورٹ پر پِک کرنے آجاؤ۔
سوشل میڈیا پر راکھی ساونت اور ہانیہ عامر کے درمیان ویڈیوز پیغامات کا سلسلہ جاری ہے جس پر صارفین کی جانب سے دلچسپ ردعمل بھی سامنے آرہے ہیں۔
راکھی کی اس ویڈیو پر صارفین مزاحیہ انداز میں ہانیہ کو مخاطب کرتے ہوئے کہہ رہے ہیں کہ ہانیہ راکھی پاکستان آرہی ہے تم پاکستان سے چلی جاؤ۔
ہانیہ عامر نے بھی راکھی کے اس ویڈیو پیغام پر جواب دیتے ہوئے کہا ہے کہ میں صرف یہ کہنا چاہتی ہوں کہ پہلے میری زندگی بہت غمگین تھی اور پھر میری زندگی میں راکھی ساونت آگئیں، راکھی جی میں آپ کو ایئرپورٹ لینے آرہی ہوں۔