اگلے پچاس برسوں میں گرمیاں طویل، سردی کا دورانیہ ڈیڑھ ماہ رہ جائے گا

کراچی: لندن یونیورسٹی سے منسلک ماہرین آب و ہوا نے تحقیق میں انکشاف کیا ہے کہ اگلے 40، 50 سال میں بیشتر ممالک میں موسم سرما کا عرصہ صرف ڈیڑھ دو ماہ رہ جائے گا۔
وجہ یہ کہ بڑھتی گرمی کرہ ارض کے بقیہ علاقوں کی نسبت قطب شمالی و جنوبی میں درجہ حرارت چار گنا زیادہ رفتار سے بڑھا رہی ہے۔
اس باعث خط استوا پر چلتی ان قطبی سرد ہوائوں کا زور بھی کم ہوچکا جو پاکستان سمیت کئی ملکوں میں سردیاں لاتی ہیں۔
اسی لیے پاکستان کے علاوہ کئی ممالک میں گرمیوں کا دورانیہ بڑھ جب کہ سردی کا گھٹ رہا ہے۔
مستقبل میں موسم گرما سات آٹھ مہینے تک چلے گا۔ موسموں کی یہ تبدیلی نظام خوراک پر سب سے زیادہ بْرے یا اچھے اثرات مرتب کرے گی۔