لودھراں میں بھی 7 سالہ بچہ کھُلے مین ہول میں گر کر جاں بحق

لودھراں: 7 سالہ بچہ کھلے مین ہول میں گر کر جان کی بازی ہار گیا۔
تفصیلات کے مطابق لودھراں کے علاقے دھنوٹ میں 7 سالہ ریحان کھلے مین ہول میں گر کر جاں بحق ہوگیا۔
ریسکیو ذرائع نے بتایا کہ ریاض آباد کالونی کا 7 سالہ ریحان والد کے ساتھ ناشتہ لینے سعید چوک آیا تھا۔ سیوریج لائن میں آٹھ سے دس فٹ گندا پانی بھی چل رہا تھا۔
ریحان والد کے ساتھ چلتے ہوئے کُھلے مین ہول میں گرا۔ واقعے کی فوری اطلاع ریسکیو اہلکاروں کو دی گئی۔
ریسکیو آپریشن کے بعد بچے کو نکال کر فوری اسپتال منتل کیا، تاہم بچہ جانبر نہ ہوسکا اور دم توڑ گیا۔
افسوس ناک واقعے پر اے ڈی سی جی کی سربراہی میں انکوائری کمیٹی بنادی گئی ہے۔
واضح رہے کہ اتوار کو کراچی میں بھی تین سالہ بچہ ابراہیم کھلے مین ہول میں گر کر جان کی بازی ہار گیا تھا۔