میں بالکل صحت مند، سوشل میڈیا کی خبریں جھوٹی ہیں، شعیب اختر

راولپنڈی: دُنیائے کرکٹ کے سب سے تیز گیند باز شعیب اختر کی صحت کے حوالے سے سوشل میڈیا پر افواہوں کا زور ہے، جس پر شعیب اختر نے خاموشی توڑ دی ہے اور اپنی صحت کے حوالے سے عوام کو آگاہ کیا ہے۔
سابق فاسٹ بولر شعیب اختر نے اپنی صحت سے متعلق سوشل میڈیا پر گردش کرنے والی خبروں پر خاموشی توڑ دی۔
سابق قومی کرکٹر شعیب اختر نے اپنے ایکس اکاؤنٹ پر اپنی صحت سے متعلق گردش کرنے والی تمام خبروں کو بے بنیاد قرار دیا۔
انہوں نے ایکس پر بیان میں کہا کہ سوشل میڈیا پر میری صحت سے متعلق گردش کرنے والی تمام خبریں بے بنیاد اور جھوٹی ہیں۔ میں بالکل صحت مند ہوں، الحمدللہ۔
انہوں نے یہ بھی بتایا کہ سوشل میڈیا پر زیرِ گردش ویڈیو تین سال پرانی ہے جو میلبورن میں میرے گھٹنے کے آپریشن کے وقت کی ہے۔