ہمایوں سعید نے ٹک ٹاک کی دُنیا میں قدم رکھ دیا

کراچی: پاکستانی فلموں اور ڈراموں کے صف اول کے اداکار ہمایوں سعید نے بھی ٹک ٹاک کی دُنیا میں قدم رکھتے ہوئے معروف سوشل سائٹ پر اپنا آفیشل اکاؤنٹ بنالیا۔
اداکار ہمایوں سعید اپنے تصدیق شدہ اکاؤنٹ کے ذریعے ٹک ٹاک کا حصہ بن گئے ہیں۔
اُن کے ٹک ٹاک پر انٹری دیتے ہی اُن کے فالوورز کی تعداد نہایت تیزی سے 50 ہزار سے زائد ہوگئی اور ان کے مداحوں میں خوشی کی لہر دوڑ اُٹھی ہے۔
اس حوالے سے اپنے تاثرات بیان کرتے ہوئے ہمایوں سعید نے کہا کہ بلاشبہ ٹک ٹاک پاکستان میں انتہائی مقبول پلیٹ فارم ہے اور مجھے اس پلیٹ فارم کی جو بات بہت پسند ہے وہ یہ کہ اس نے پورے ملک کو تفریح کے بندھن کے ذریعے یکجا کردیا ہے۔
انہوں نے مزید کہا کہ میں نے اس پلیٹ فارم پر تخلیق کے جو مظاہرے دیکھے ہیں وہ اپنی مثال آپ ہیں اور تفریح کا ایک نہ ختم ہونے والا ذریعہ ہیں۔ میں خود کو اس پلیٹ فارم پر آنے اور ذمے دارانہ مواد تخلیق کرنے نہیں روک سکا۔
ہمایوں سعید نے اپنے ٹک ٹاک اکاؤنٹ پر مختلف ریکارڈنگ سیٹس سے پانچ ویڈیوز پوسٹس کی ہیں جن پر 2.5ملین ویوز اور لائیکس کی تعداد 190,000سے تجاوز کرچکی ہے۔