ہالی وُڈ فلم بے بی ڈرائیور کا چائلڈ اسٹار ہڈسن میک حادثے میں چل بسا

نیویارک: ہالی وُڈ کی مشہور زمانہ ڈرامہ فلم بے بی ڈرائیور کا چائلڈ اسٹار ہڈسن میک 16 سال کی عمر میں ٹریفک حادثے میں چل بسا۔
امریکی میڈیا کے مطابق 16 سالہ ہڈسن میک 19 دسمبر کو ایک حادثے میں شدید زخمی ہونے کے بعد 21 دسمبر کو انتقال کرگیا۔
رپورٹس میں بتایا گیا کہ ہڈسن میک چلتی ہوئی گاڑی سے گرنے کے باعث زخمی ہوا، جسے فوری یونیورسٹی آف الاباما ایٹ برمنگھم اسپتال منتقل کیا گیا۔
ڈاکٹروں کا کہنا ہے کہ حادثے میں انہیں شدید چوٹیں آئیں، جن کے باعث وہ دورانِ علاج جانبر نہ ہوسکے۔ پولیس حادثے کی وجوہ کی تحقیقات کررہی ہے اور ابتدائی معلومات کے مطابق حادثے کے وقت گاڑی حرکت میں تھی۔
خیال رہے کہ ہڈسن میک نے ’بے بی ڈرائیور‘ میں کم عمر بے بی کا کردار ادا کیا تھا اور وہ بچوں کے شوز میں وائس اوور آرٹسٹ کے طور پر بھی خدمات انجام دے چکا تھا۔