لندن: سلطنت برطانیہ شدید برف باری کی زد میں آگئی، نظام زندگی درہم برہم، ایئرپورٹس بند ہونے سے متعدد پروازیں منسوخ کردی گئیں۔
برطانیہ کی سول ایوی ایشن کے مطابق شدید برف باری کے سبب متعدد ایئرپورٹ کے رن ویز عارضی طور پر بند کردیے گئے ہیں، مسافروں سے کہا گیا ہے کہ جیسے ہی پروازیں دوبارہ شروع ہوں گی، انہیں مطلع کردیا جائے گا۔
دوسری جانب موٹروے پولیس نے درجنوں ٹریفک حادثات کے باعث عوام کو گھروں میں رہنے کی ہدایت کی ہے۔
یو کے ہیلتھ سیکیورٹی ایجنسی نے جمعہ تک انگلینڈ میں خون جما دینے والی سردی کی پیش گوئی کی ہے، ایسیکس کے کچھ حصوں میں 15 سینٹی میٹر تک برف باری ہونے کا امکان ہے۔