نیویارک: امریکا کے سابق صدر بارک اوباما نے تیسرا ایمی ایوارڈ جیت لیا۔
غیر ملکی میڈیا رپورٹس کے مطابق لاس اینجلس میں منعقد کری ایئٹو آرٹس ایمی ایوارڈز میں سابق امریکی صدر نے بیسٹ اسٹوری ٹیلر بہترین داستان گو کی کیٹیگری میں اعزاز حاصل کرلیا۔
64 سالہ بارک اوباما نے امریکی اسٹریمنگ پلیٹ فارم نیٹ فلکس کی سیریز اوو اوشین کے لیے بہترین داستان گو کا ایوارڈ اپنے نام کیا، تاہم انہوں نے اس تقریب میں شرکت نہیں کی۔
سابق امریکی صدر کی جانب سے ان کا ایوارڈ امریکی کامیڈین جارڈن کلیپر نے وصول کیا۔
خیال رہے کہ ایمی کے بہترین داستان گو کی کیٹیگری میں سابق امریکی صدر بارک اوباما کا یہ تیسرا ایوارڈ ہے۔
اس سے قبل اسی کیٹگری میں 2022 میں اوو گریٹ نیشنل پارکس اور 2023 میں ورکنگ واٹ وی ڈو آل ڈے کے لیے پرائم ٹائم ایمی ایوارڈز اپنے نام کیے تھے۔