نیویارک: امریکی کمپنی، الیف ایروناٹکس نے ’’ماڈل اے‘‘ نامی الیکٹرک کار بنانے میں کامیابی حاصل کرلی، جو کھڑے کھڑے پرواز کے قابل ہے اور ایک چارج میں 110 میل تک اڑ سکتی جب کہ سڑک پر 200 میل تک جاپاتی ہے۔
اس گاڑی کی قیمت 3 لاکھ ڈالر سے بھی زیادہ ہے، مگر کمپنی کو کار کے 3200 آرڈرز موصول ہوچکے ہیں۔
کار جلد فروخت کے لیے پیش ہوگی۔ امریکا میں 40 گھنٹے تک ہلکے ہوائی جہاز چلانے کا تجربہ رکھنے والے لوگ ہی یہ کار اڑا سکیں گے۔ ٹریفک ہجوم سے بچاؤ کی خاطر اسے تخلیق کیا گیا ہے۔