مریم نواز سے متاثر، بہت محنتی اور لگن سے کام کررہی ہیں، میرا

لاہور: پاکستانی فلموں کی سینئر اداکارہ میرا نے کہا ہے کہ مجھے ڈولی میں تو آپ سب بٹھائیں گے۔
اداکارہ میرا سے لاہور پریس کلب میں میڈیا سے گفتگو کے دوران صحافی نے شادی سے متعلق سوال کیا، جس پر میرا نے کہا کہ شادی تو آپ سب نے میری کروانی ہے، ڈولی میں تو آپ سب نے مجھے بٹھانا ہے۔
قبل ازیں ایک انٹرویو میں میرا نے کہا تھا کہ میں سنگل اپنی مرضی سے نہیں ہوں، ایسی بات نہیں کہ مجھے شادی کے لیے کوئی شخص ملا ہی نہیں، لیکن یہ حقیقت ہے کہ لوگ مجھے سمجھتے اور جانتے نہیں ہیں۔
میرا نے دوران شوٹنگ زخمی ہونے والے ہاتھ سے متعلق بتایا کہ پچھلے دنوں میرے ہاتھ میں فریکچر ہوگیا تھا، اب بہتر ہے۔
میرا کا کہنا تھا کہ مریم نواز کو دیکھتی ہوں تو وہ مجھے متاثر کرتی ہیں، مریم نواز بہت محنتی اور لگن سے کام کررہی ہیں۔