مکۃ المکرمۃ: حج ایام کے دوران گرمی کی شدت کے پیش نظر انتظامیہ نے عازمین کے لیے ہدایت نامہ جاری کردیا۔
ایشیائی ممالک کی طرح عرب ممالک بھی گرمی کی لپیٹ میں ہیں، اس وقت سعودی عرب میں حج ایام کے دوران شدید گرمی پڑرہی ہے۔
ڈائریکٹر جنرل حج پاکستان مشن عبدالوہاب سومرو نے عازمین حج کو گرمی کی سختی سے نمٹنے کے لیے چند ہدایت جاری کی ہیں۔
ڈی جی حج نے عازمین حج کو زیادہ پانی پی کر ہائیڈریشن کو برقرار رکھنے، کیفین اور چینی والے مشروبات کے زیادہ استعمال سے گریز کرنے کی ہدایت کی ہے۔
اس کے علاوہ عازمین حج کو ماسک، چھتری اور دھوپ کی عینک استعمال کرنے کا بھی کہا گیا ہے۔