سان فرانسسکو: جین میں بہتری مطلب ایڈیٹنگ کرکے ذہین بچے تخلیق کرنے کے تجربات کا انکشاف سامنے آیا ہے۔
امریکی اخبار وال اسٹریٹ جرنل نے بتایا کہ سان فرانسسکو میں واقع ایک نئی سائنسی کمپنی، پریونٹیو کے ماہرین خفیہ طریقے سے بذریعہ جین کی تدوین (ایڈیٹنگ) ایسا ڈیزائنر بے بی تخلیق کرنے کو تحقیق و تجربات کررہے ہیں جو نہ صرف تمام بیماریوں اور پیدائشی نقائص سے پاک ہوگا، بلکہ ذہانت کا اعلیٰ معیار بھی رکھے گا۔
گویا جین ایڈیٹنگ کی مدد سے اس کی سبھی ناقص جین نکال دیے جائیں گے مگر ایسی تحقیق امریکا میں غیر قانونی ہے، اسی لیے چوری چھپے کی جارہی ہے۔
امریکی اخبار کے مطابق چیٹ جی پی ٹی بنانے والی کمپنی، اوپن آئی کی سربراہ، سام آلتمان اور کرپٹو کرنسی ایکسچینج، کوائن بیس کے شریک بانی، برائن آرمسٹرانگ نے پریونٹیو میں سرمایہ کاری کر رکھی ہے۔
یہ خبر شائع ہونے پر امریکی دانشوروں کے مابین اخلاقیات، حفاظت (سیفٹی) اور ڈیزائنر بچوں سے وابستہ خطرات کے سلسلے میں بحث چھڑ گئی۔