سائرہ یوسف اور عدیل حسین کے درمیان قربت کی بازگشت

کراچی: اداکارہ اور ماڈل سائرہ یوسف اور اداکار عدیل حسین کے درمیان قربتوں سے متعلق خبریں گردش کرنے لگیں۔
یہ خبریں عدیل حسین کی جانب سے پوسٹ کی گئی ایک تصویر اور مبہم کیپشن کے بعد وائرل ہوئیں، جس میں اداکار عدیل حسین کے ساتھ ان کی بھتیجی اور سائرہ یوسف موجود تھیں۔
انسٹاگرام پر شیئر کی گئی اس تصویر میں عدیل حسین اور سائرہ یوسف کو خوش گوار موڈ میں دیکھا جاسکتا ہے جب کہ عدیل کی جانب سے دیے گئے کیپشن نے ان کے تعلقات کی افواہوں کو جنم دے دیا ہے۔
کیپشن میں لکھا تھا کہ آپ کو اپنی زندگی کہنے پر خود کو خوش قسمت سمجھتا ہوں۔
اس ذومعنی کیپشن کی وجہ سے سائرہ یوسف اور عدیل حسین کے درمیان قربت کی افواہیں گرم ہوگئی ہیں جب کہ دونوں فنکاروں کے مداح بھی اس ممکنہ تعلق پر خوشی کا اظہار کررہے ہیں۔
خیال رہے کہ ماڈل سائرہ یوسف ساتھی فنکار شہروز سبزواری کی سابقہ اہلیہ ہیں، ان دونوں کی ایک بیٹی بھی ہے، جس کی وہ مشترکہ طور پر پرورش کررہے ہیں۔