سبزیاں کھائیں، خود کو کینسر سے بچائیں

کراچی: کُچھ سَبزیاں ایسی ہیں، جن میں موجود قُدرتی اَجزاء (اینٹی آکسیڈنٹس، فائبر، اور فائٹو کیمیکلز) کینسر کے خطرے کو کم کرنے میں مددگار ثابت ہوسکتے ہیں۔
پھول گوبھی، بند گوبھی میں Sulforaphane ہوتا ہے جو کینسر کے خلیات کی افزائش کو سُست کرسکتا ہے۔ چھاتی، آنت اور پھیپھڑوں کے کینسر کے خلاف مفید سمجھی جاتی ہیں۔
پالک اور ہری پتوں والی سبزیاں فولک ایسڈ، فائبر اور اینٹی آکسیڈنٹس سے بھرپور ہوتی ہیں۔ معدہ اور آنتوں کے کینسر کے خطرے میں کمی میں مدد دے سکتی ہیں۔
ٹماٹر میں Lycopene پایا جاتا ہے۔ خاص طور پر پروسٹیٹ کینسر کے خطرے کو کم کرنے سے منسلک ہے۔
لہسن اور پیاز سلفر مرکبات پر مشتمل ہوتے ہیں۔ یہ معدہ اور آنتوں کے کینسر سے بچاؤ میں معاون ہیں۔
گاجر بیٹا کیروٹین سے بھرپور ہوتا ہے۔ اس سے پھیپھڑوں اور جلد کے کینسر کے خطرے کو کم کرنے میں مدد مل سکتی ہے۔
شملہ مرچ وٹامن سی اور اینٹی آکسیڈنٹس سے بھرپور ہوتی ہے۔ خلیات کو نقصان سے بچانے میں مددگار ہوتی ہے۔
چقندر میں Betalains نامی اینٹی آکسیڈنٹس ہوتے ہیں۔ یہ جگر اور آنتوں کی صحت کے لیے مفید ہوتا ہے۔