دبئی لیکس میں بھارتی سب پر بازی لے گئے

نئی دہلی: بھارتی شہری دبئی میں گھر خریدنے اور اثاثے بنانے والے غیر ملکیوں میں بازی لے گئے۔
دبئی لیکس کے مطابق دبئی میں 29 ہزار 700 بھارتی باشندوں کی 35 ہزار جائیدادیں ہیں، جن میں گھر، دفاتر، شاپنگ مال اور فیکٹریز وغیرہ شامل ہیں۔
بھارتی شہریوں کی دبئی میں ان جائیدادوں کی کُل مالیت 17 ارب ڈالر ہے۔ اس طرح بھارتی دبئی میں جائیداد بنانے والے غیر ملکیوں میں اوّل نمبر پر ہیں۔
دبئی میں جن بھارتیوں کی جائیدادیں ہیں ان میں مودی کے دوست اور ایشیا کے امیر ترین افراد میں سے ایک گوتم ایڈوانی کے بھائی بھی شامل ہیں۔ مکیش امبانی کی بھی جائیدادیں ہیں۔
بھارت سے دبئی میں جائیدادیں بنانے والوں میں زیادہ تر صنعت کار ہیں جب کہ کچھ سیاست دانوں، بیوروکریٹس اور شوبز شخصیات وغیرہ کے نام بھی اس فہرست میں شامل ہیں۔
اس رپورٹ میں انکشاف ہوا ہے کہ دبئی کو دنیا کا جدید ترین اور ترقی یافتہ شہر بنانے والوں میں ایشیائی ممالک کے سرمایہ کاروں کا بھی بڑا ہاتھ ہے اور ان ملکوں کی کئی شخصیات کی اپنے ملک سے زیادہ دبئی میں جائیدادیں ہیں۔