کراچی: ڈیزل ٹینکر میں دھماکے سے 1 فرد جاں بحق، 2 زخمی

کراچی: بلدیہ ٹاؤن کے علاقے یوسف گوٹھ میں ڈیزل کے ٹینکر میں دھماکے سے 1 شخص جاں بحق اور 2 زخمی ہوگئے۔
واقعے کے متعلق پولیس کا کہنا ہے کہ یوسف گوٹھ میں گیس فلنگ اسٹیشن کے پاس موجود ڈیزل کے ٹینکر میں ویلڈنگ کا کام جاری تھا۔ اس دوران سلنڈر دھماکے سے 1 شخص جاں بحق اور 2 زخمی ہوگئے۔ زخمیوں کو طبی امداد کے لیے سول اسپتال منتقل کردیا گیا ہے۔
جاں بحق شخص کی لاش کو پوسٹ مارٹم کے لیے سول اسپتال کے مُردہ خانہ منتقل کردیا گیا ہے۔ پولیس نے شواہد جمع کرنا شروع کردیے ہیں۔