عارف والا: کرکٹ مقابلے کے دوران عارف والا میں ہونے والے جھگڑے پر بارہویں جماعت کے طالب علم کو باپ کے سامنے قتل کردیا گیا۔
پولیس کے مطابق کرکٹ مقابلے کے دوران ہونے والے جھگڑے میں فائرنگ سے زخمی ہونے والا سیکنڈ ایئر کا طالب علم ابو طلحہ دوران علاج اسپتال میں دم توڑ گیا۔
ڈی ایس پی عارف والا حافظ خضر کا کہنا ہے کہ فائرنگ کے واقعے میں ملوث 2 ملزمان کے خلاف مقدمہ درج کرکے واقعے کی تحقیقات کا آغاز کردیا گیا ہے۔
مقتول ابو طلحہ کے والد کا اس حوالے سے کہنا ہے کہ ملزموں کو کرکٹ میچ کے دوران جھگڑے کا رنج تھا، ملزموں نے بیٹے کو میری آنکھوں کے سامنے فائرنگ کرکے قتل کیا۔
انہوں نے مزید بتایا کہ ابوطلحہ گزشتہ شام تیل کی ایجنسی میں بیٹھا تھا جب ملزموں نے حملہ کیا۔
حافظ خضر کا کہنا ہے کہ ابوطلحہ کا پوسٹ مارٹم کرالیا گیا ہے اور ملزمان کی گرفتاری کے لیے چھاپے مارے جارہے ہیں۔