کراچی/ لاہور: پی ایس ایل 2021 میں بین الاقوامی شہرت یافتہ کرکٹ مبصرین کمنٹری کریں گے۔
رمیز راجہ، بازید خان، ایلن ولکنز، ثناء میر، عروج ممتاز، ڈومینک کارک، سائمن ڈول، ڈینی موریسن، پومی ایمبینگوا، ڈیوڈ گاور اور جے پی ڈومنی کمنٹری پینل میں شامل ہیں، پاکستان سپر لیگ 2021 کے لیے براڈکاسٹ پلان تیار کرلیا گیا ہے۔ ایونٹ کے دوران معروف قومی اور بین الاقوامی کمنٹیٹرز میدان میں جاری ایکشن پر تبصرہ کریں گے۔
معروف انگلش کمنٹیٹر ایلن ولکنز، ڈومینک کارک، پاکستان کے سابق کرکٹرز رمیز راجہ، بازید خان، ثناء میر، عروج ممتاز اور نیوزی لینڈ کےسابق کرکٹر سائمن ڈول لیگ کے چھٹے ایڈیشن کے دوران کمنٹری کے فرائض انجام دیں گے۔ممتاز کمنٹیٹر طارق سعید اور سکندر بخت اردو زبان میں کمنٹری کریں گے۔
تاہم نیوزی لینڈ کے ڈینی موریسن اورانگلینڈ کے ڈیوڈ گاور صرف کراچی میں ہونے والے مقابلوں میں کمنٹری کے لیے دستیاب ہیں۔ 20 فروری سے شروع ہونے والے پی ایس ایل کے مقابلے 7 مارچ تک شہر قائد میں جاری رہیں گے۔
10 سے 22 مارچ تک لاہور میں بقیہ مقابلے ہوں گے۔ پھر جنوبی افریقا کے جے پی ڈومنی اور زمبابوے کے پومی ایمبینگوا بھی کمنٹری پینل جوائن کرلیں گے۔
ایونٹ کی پروڈکشن بلٹزایڈورٹائزنگ، ٹرانس گروپ اور این ای پی کے اشتراک سے کی جائے گی۔
ایونٹ کی ایچ ڈی کوریج کے دوران 30 سے زائد کیمروں کا استعمال کیا جائے گا۔ اس دوران سپر سلو اور آلٹرا موشن کیمروں سمیت اسپائیڈر کیم، بگی کیم، ہاک آئی اور ڈی آر ایس ٹیکنالوجی کا بھی استعمال کیا جائے گا۔
اس دوران دلچسپ اعداد و شمار کے لیے کرک وِزکا استعمال کیا جائے گا۔ ایونٹ کے دوران ہفتہ وار میگزین شو، ایچ بی ایل پی ایس ایل کہانیاں اور خصوصی فیچرز بھی تیار کیے جائیں گے۔
ڈائریکٹر کمرشل پی سی بی کا کہنا ہے کہ ہم نے اپنے پروڈکشن معیار کو مزید بہتر بنانے کے لیے بہت محنت کی ہے اور مجھے خوشی ہے کہ ہم این ای پی، بلٹز ایڈورٹائزنگ اور ٹرانس گروپ کے کنسورشیم کے ساتھ مل کر اس پر کام کریں گے۔
انہوں نے کہا کہ وہ پی ایس ایل 2021 کا حصہ بننے والے ان معروف کمنٹیٹرز کو بھی خوش آمدید کہتے ہیں۔
راؤ عمر ہاشم خان کا کہنا ہے کہ وہ جنوبی افریقا سیریز کی کامیاب پروڈکشن پر پی سی بی کو مبارک باد پیش کرتے ہیں، یہ پروڈکشن بھی این ای پی، بلٹز ایڈورٹائزنگ اور ٹرانس گروپ کے اشتراک سے ممکن ہوئی۔ انہوں نے کہا کہ وہ پاکستان سپر لیگ میں پروڈکشن کے اعلیٰ معیار کو برقرار رکھنے کی کوشش کریں گے۔
سعید اعزادی کا کہنا ہے کہ ہم جنوبی افریقا سیریز کے بعد اب پاکستان سپر لیگ کی بہترین پروڈکشن کے لیے تیار ہیں، ہم یہاں اسٹیٹ آف دی آرٹ ٹیکنالوجی کا استعمال کریں گے۔انہوں نے کہا کہ ہم ایچ بی ایل پی ایس ایل 6 کے کامیاب انعقاد میں اپنا حصہ ڈالنے کے لیے مکمل تیار ہیں۔
احسن ادریس کا کہنا ہے کہ یہ کنسورشیم پی ایس ایل 2021 میں اعلیٰ معیار کی پروڈکشن کو برقرار رکھنے کی کوشش کرے گا، امید ہے فینز کو بہترین کوریج ملے گی۔
پی ایس ایل کے لیے عالمی شہرت یافتہ کمنٹیٹرز کا انتخاب!
کراچی/ لاہور: پی ایس ایل 2021 میں بین الاقوامی شہرت یافتہ کرکٹ مبصرین کمنٹری کریں گے۔
رمیز راجہ، بازید خان، ایلن ولکنز، ثناء میر، عروج ممتاز، ڈومینک کارک، سائمن ڈول، ڈینی موریسن، پومی ایمبینگوا، ڈیوڈ گاور اور جے پی ڈومنی کمنٹری پینل میں شامل ہیں، پاکستان سپر لیگ 2021 کے لیے براڈکاسٹ پلان تیار کرلیا گیا ہے۔ ایونٹ کے دوران معروف قومی اور بین الاقوامی کمنٹیٹرز میدان میں جاری ایکشن پر تبصرہ کریں گے۔
معروف انگلش کمنٹیٹر ایلن ولکنز، ڈومینک کارک، پاکستان کے سابق کرکٹرز رمیز راجہ، بازید خان، ثناء میر، عروج ممتاز اور نیوزی لینڈ کےسابق کرکٹر سائمن ڈول لیگ کے چھٹے ایڈیشن کے دوران کمنٹری کے فرائض انجام دیں گے۔ممتاز کمنٹیٹر طارق سعید اور سکندر بخت اردو زبان میں کمنٹری کریں گے۔
تاہم نیوزی لینڈ کے ڈینی موریسن اورانگلینڈ کے ڈیوڈ گاور صرف کراچی میں ہونے والے مقابلوں میں کمنٹری کے لیے دستیاب ہیں۔ 20 فروری سے شروع ہونے والے پی ایس ایل کے مقابلے 7 مارچ تک شہر قائد میں جاری رہیں گے۔
10 سے 22 مارچ تک لاہور میں بقیہ مقابلے ہوں گے۔ پھر جنوبی افریقا کے جے پی ڈومنی اور زمبابوے کے پومی ایمبینگوا بھی کمنٹری پینل جوائن کرلیں گے۔
ایونٹ کی پروڈکشن بلٹزایڈورٹائزنگ، ٹرانس گروپ اور این ای پی کے اشتراک سے کی جائے گی۔
ایونٹ کی ایچ ڈی کوریج کے دوران 30 سے زائد کیمروں کا استعمال کیا جائے گا۔ اس دوران سپر سلو اور آلٹرا موشن کیمروں سمیت اسپائیڈر کیم، بگی کیم، ہاک آئی اور ڈی آر ایس ٹیکنالوجی کا بھی استعمال کیا جائے گا۔
اس دوران دلچسپ اعداد و شمار کے لیے کرک وِزکا استعمال کیا جائے گا۔ ایونٹ کے دوران ہفتہ وار میگزین شو، ایچ بی ایل پی ایس ایل کہانیاں اور خصوصی فیچرز بھی تیار کیے جائیں گے۔
ڈائریکٹر کمرشل پی سی بی کا کہنا ہے کہ ہم نے اپنے پروڈکشن معیار کو مزید بہتر بنانے کے لیے بہت محنت کی ہے اور مجھے خوشی ہے کہ ہم این ای پی، بلٹز ایڈورٹائزنگ اور ٹرانس گروپ کے کنسورشیم کے ساتھ مل کر اس پر کام کریں گے۔
انہوں نے کہا کہ وہ پی ایس ایل 2021 کا حصہ بننے والے ان معروف کمنٹیٹرز کو بھی خوش آمدید کہتے ہیں۔
راؤ عمر ہاشم خان کا کہنا ہے کہ وہ جنوبی افریقا سیریز کی کامیاب پروڈکشن پر پی سی بی کو مبارک باد پیش کرتے ہیں، یہ پروڈکشن بھی این ای پی، بلٹز ایڈورٹائزنگ اور ٹرانس گروپ کے اشتراک سے ممکن ہوئی۔ انہوں نے کہا کہ وہ پاکستان سپر لیگ میں پروڈکشن کے اعلیٰ معیار کو برقرار رکھنے کی کوشش کریں گے۔
سعید اعزادی کا کہنا ہے کہ ہم جنوبی افریقا سیریز کے بعد اب پاکستان سپر لیگ کی بہترین پروڈکشن کے لیے تیار ہیں، ہم یہاں اسٹیٹ آف دی آرٹ ٹیکنالوجی کا استعمال کریں گے۔انہوں نے کہا کہ ہم ایچ بی ایل پی ایس ایل 6 کے کامیاب انعقاد میں اپنا حصہ ڈالنے کے لیے مکمل تیار ہیں۔
احسن ادریس کا کہنا ہے کہ یہ کنسورشیم پی ایس ایل 2021 میں اعلیٰ معیار کی پروڈکشن کو برقرار رکھنے کی کوشش کرے گا، امید ہے فینز کو بہترین کوریج ملے گی۔