اناڑی ڈرائیور کا کارنامہ، کار جھیل میں گرا ڈالی

نئی دہلی: اناڑی ڈرائیور کا کارنامہ، کار کو جھیل میں گرا ڈالا، بھارت کی ریاست تلنگانہ میں اناڑی شخص جو گاڑی چلانا سیکھ رہا تھا، غلطی سے اپنی گاڑی جھیل میں اُتار لی۔
سوشل میڈیا پر گردش کرنے والی ایک وائرل ویڈیو میں بٹوکما کنٹا جھیل میں جزوی طور پر ڈوبی ہوئی کار کو دیکھا جاسکتا ہے جب کہ اندر موجود دو افراد (ٹرینی ڈرائیور اور اس کا انسٹرکٹر)، تالاب سے باہر تیرتے ہوئے نظر آتے ہیں۔
فوٹیج میں راہگیر کو پانی میں چھلانگ لگاتے ہوئے بھی دکھایا گیا ہے تاکہ دونوں کو بحفاظت ساحل تک پہنچنے میں مدد ملے۔ مقامی لوگوں کو بھی جھیل کے کنارے کھڑے دیکھا جاسکتا ہے۔
مبینہ طور پر یہ واقعہ اس وقت پیش آیا جب یہ شخص اپنے انسٹرکٹر کی رہنمائی میں جھیل کے قریب گاڑی چلانے کی مشق کررہا تھا۔
تاہم کچھ دیر بعد سیکھنے والے ڈرائیور نے غلطی سے بریک کے بجائے ایکسلریٹر دبادیا، جس سے گاڑی پانی میں جاگری۔