مناما: بحرین نے کورونا وبا کے باعث پاکستان اور بھارت سمیت 5 ممالک کے شہریوں کے داخلے پر پابندی عائد کردی۔
بین الاقوامی میڈیا کے مطابق بحرین نے پاکستان اور بھارت سمیت جن 5 ملکوں کے شہریوں پر پابندی لگائی، ان میں بنگلادیش، سری لنکا اور نیپال بھی شامل ہیں۔
میڈیا رپورٹس میں بتایا گیا ہے کہ جن ملکوں کے شہریوں پر پابندی لگائی گئی ہے وہاں پابندی کا اطلاق آج سے ہوگیا ہے۔
مزید براں بحرینی شہری اور اقامہ ہولڈرز اس پابندی سے مستثنیٰ ہوں گے اور بحرین کے شہریوں کو وطن پہنچنے پر 10 روزہ آئسولیشن میں رہنا ہوگا۔