نیویارک: کرس ایونز سب سے زیادہ سپر ہیروز کے کردار نبھانے والے اداکار بن گئے۔
ہالی وُڈ کے اسٹار کرس ایونز نے حال ہی میں ریلیز ہونے والی فلم ڈیڈ پول اینڈ ولورین میں بطور مہمان جلوہ گر ہوکر مارول سپر ہیرو کے کردار میں سب سے زیادہ فیچر فلموں میں آنے کا ریکارڈ بنا لیا۔
43 سالہ اداکار حالیہ فلم میں جونی اسٹورم عرف دی ہیومن ٹارچ کے کردار میں ظاہر ہوئے۔ یہ کردار انہوں نے آخری بار 2007 میں ریلیز ہونے والی فنٹاسٹک فور میں نبھایا تھا۔
مارول موویز میں کرس ایونز بطور کیپٹن امریکا آٹھ بار اور ہیومن ٹارچ کے کردار میں تین بار ظاہر ہوئے ہیں، جس سے ان کا مجموعی ریکارڈ 11 تک پہنچ جاتا ہے۔
کرس ایونز نے بتایا کہ ان کو بطور ہیومن ٹارچ کے واپس لانے کا خیال ریان رینلڈز کا تھا۔