اسلام آباد: آئی سی سی چیمپئنز ٹرافی 2025 کے لیے وفاقی کابینہ نے سیکیورٹی سے متعلق منظوری دے دی۔
ذرائع کے مطابق وفاقی کابینہ نے آئی سی سی چیمپئنز ٹرافی کے لیے آئین کے آرٹیکل 245 کے تحت فوج تعینات کرنے کی منظوری دے دی ہے، جس کے تحت چیمپئنز ٹرافی کے میچز کے موقع پر سیکیورٹی کے لیے سول آرمڈ فورسز، پولیس اور قانون نافذ کرنے والے ادارے مشترکہ سیکیورٹی کے فرائض سر انجام دیں گے۔
خیال رہے کہ چیمپئنز ٹرافی کے لیے 12 فروری سے ٹیمیں پاکستان پہنچ رہی ہیں۔ اس سلسلے میں پی سی بی، صوبہ پنجاب اور سندھ کی درخواست پر وفاقی کابینہ سے سیکیورٹی کی منظوری لی گئی ہے۔
وزارت داخلہ نے ٹیموں کی فول پروف سیکیورٹی کے لیے اداروں اور صوبائی ہوم ڈیپارٹمنٹس کو ہدایات جاری کردی ہیں۔