لاہور: سرفراز احمد کو پی سی بی میں اہم ذمے داری ملنے پر اظہر علی ناراض ہوگئے اور اپنے عہدے سے استعفیٰ دے دیا۔
نجی ٹی وی کے مطابق سابق ٹیسٹ کرکٹر اظہر علی سابق کپتان سرفراز احمد کو پی سی بی میں ذمے داری ملنے پر پاکستان کرکٹ بورڈ سے بُری طرح روٹھ گئے اور دل برداشتہ ہوکر پی سی سے راہیں جدا کرلیں۔
ذرائع کے مطابق سابق کپتان اظہر علی نے پاکستان کرکٹ بورڈ کی ذمے داریوں سے الگ ہونے کا فیصلہ کیا ہے، اس لیے انہوں نے اپنا استعفیٰ پی سی بی کو بھجوا دیا ہے۔
اظہر علی قومی سلیکشن کمیٹی کا حصہ تھے اور یوتھ ڈیولپمنٹ کے ہیڈ بھی تھے۔
ذرائع کا بتانا ہے کہ ممکنہ طور پر اظہر علی کے استعفے کی وجہ سرفراز احمد کی پی سی بی میں انٹری معلوم ہوتی ہے۔
خیال رہے کہ سرفراز احمد کو پاکستان شاہینز اور پاکستان انڈر 19 کا انچارج بنایا گیا ہے۔