کراچی: پاکستان کے سب سے بڑے میوزک مقابلے ”پاکستان آئیڈل“ کے آڈیشنز 31 اگست کو کراچی کے آرٹس کونسل میں شروع ہورہے ہیں۔
میوزک کے دیوانوں کیلئے آڈیشنز کا سلسلہ سکھر سے شروع ہوا اور ملتان، لاہور اور راولپنڈی پہنچا تو ایسی آوازیں، ایسے سر، ایسے سنگیت اور ایسے گلوکار سامنے آئے کہ دیکھنے والے دنگ رہ گئے۔
گزشتہ آڈیشنز کی گونج ابھی مدھم نہیں ہوئی تھی کہ اب کراچی میں میوزک کا نیا طوفان برپا ہونے کو تیار ہے۔
کراچی کی فضاؤں میں گٹار کے تاروں کی کھنک، ہارمونیم کے سُر اور طبلے کی تھاپ گونجنے لگی ہے، نوجوانوں میں ایک عجیب سی بے تابی ہے، ہر کوئی اپنی آواز کے جادو سے دلوں کو موہ لینے کا خواب آنکھوں میں سجائے تیاریوں میں مصروف نظر آرہا ہے۔