کراچی: پاکستان سے تعلق رکھنے والے گلوکار عاصم اظہر کا غیر ملکی گلوکارہ کے ساتھ انٹرنیشنل میوزک کا پہلا گانا ریلیز۔
عاصم اظہر نے نئے گانے کے لیے نارویجن سنگر اور سانگ رائٹر ایسٹرڈ ایس کے ساتھ شراکت کی ہے اور اس کا نام ڈارکیسٹ آور رکھا گیا ہے۔
گلوکار عاصم اظہر نے گانے کا ٹیزر اپنے ٹویٹر اکاؤنٹ پر شیئر کرتے ہوئے مداحوں کو خوش خبری سنائی کہ نئے گانے کو آج (4 مئی کی) رات کو ریلیز کیا جائے گا۔
ایسٹرڈ ایس اور عاصم اظہر کے درمیان گانے کی شراکت کی ابتدائی خبریں نارویجن گلوکارہ کی طرف سے انسٹاگرام پر شیئر کی گئی تھیں، انہوں نے گانے کا ایک پس منظر بھی شیئر کیا جس میں عاصم اظہر اردو اور انگریزی میں گاتے سنائی دیتے ہیں۔
یہ اطلاعات بھی سامنے آئی تھیں کہ دونوں فنکار ایک عالمی لیبل کیلئے گانے کی شراکت کررہے ہیں جب کہ یونیورسل میوزک ناروے نے گانے کے ٹیزر کو اپنے سوشل میڈیا پیج پر بھی شیئر کیا تھا۔
ایک غیر ملکی فنکار کے ساتھ گانے کی شراکت عاصم اظہر کے میوزک کیریئر کیلئے بہت بڑی چھلانگ ہے اور اسے انہیں عالمی طور شناخت ملے گی۔