لیبیا میں پاکستانی شہریوں کی ایک اور کشتی حادثے کا شکار

طرابلس: پاکستانی شہریوں کی ایک اور کشتی لیبیا کے ساحل کے قریب حادثے کا شکار ہوگئی۔
اس حوالے سے ترجمان دفتر خارجہ کا کہنا ہے کہ طرابلس میں ہمارے سفارت خانے کے مطابق قریباً 65 مسافروں کو لے جانے والی ایک کشتی لیبیا کے شہر زاوِیہ کے شمال مغرب میں واقع مرسا ڈیلا کی بندرگاہ کے قریب الٹ گئی ہے۔
دفتر خارجہ کی جانب سے جاری بیان کے مطابق پاکستانی سفارت خانے نے فوری طور پر ایک ٹیم زاوِیہ کے اسپتال بھیجی ہے، مقامی حکام کے ساتھ مل کر جاں بحق ہونے والوں کی شناخت میں مدد دی جاسکے، مزید پاکستانی متاثرین کی تفصیلات معلوم کرنے کی کوششیں بھی جاری ہیں۔
ترجمان نے کہا کہ وزارت خارجہ کے کرائسس مینجمنٹ یونٹ کو صورت حال کی نگرانی کے لیے متحرک کردیا گیا ہے، واقعے سے متعلق کسی بھی قسم کی معلومات یا مدد کے لیے درج ذیل نمبروں پر رابطہ کیا جاسکتا ہے:
پاکستانی سفارت خانہ طرابلس
03052185882 (واٹس ایپ)
218913870577 (موبائل)
218 91-6425435 (واٹس ایپ)
کرائسس مینجمنٹ یونٹ، وزارت خارجہ، اسلام آباد
فون نمبر: 051-9207887
ای میل: cmu1@mofa.gov.pk