اداکارہ آمنہ شیخ کے ہاں پہلے بیٹے کی پیدائش

کراچی: پاکستان کی مقبول اداکارہ اور ماڈل آمنہ شیخ نے محب مرزا سے علیحدگی کے بعد گزشتہ برس دوسری شادی کرلی تھی، دوسری شادی سے ان کے ہاں پہلے بیٹے کی پیدائش ہوئی ہے۔
آمنہ نے خوشی کی اطلاع انسٹاگرام اکاؤنٹ کے ذریعے دی، انہوں نے بتایا کہ بیٹے کی پیدائش رواں ماہ 3 ستمبر کو ہوئی۔

اداکارہ کی جانب سے بتایا گیا کہ انہوں نے بیٹے کا نام عیسیٰ رکھا ہے جب کہ اپنے اکاؤنٹ پر انہوں نے کولاج پر مبنی ایک پوسٹ شیئر کی جس میں آمنہ، ان کے شوہر عمر فاروقی، بیٹی میسا اور نوزائیدہ موجود ہے۔

دھیان رہے اداکارہ آمنہ شیخ اور اداکار محب مرزا کی اکتوبر 2019 میں شادی کے 14 سال بعد طلاق ہوگئی تھی، دونوں ستارے 2005 میں رشتہ ازدواج سے منسلک ہوئے تھے اور دونوں کی ایک بیٹی میسا بھی ہے۔