کیا اداکارہ علیزے گبول نے دوسری شادی کرلی؟

کراچی: پاکستان کی مقبول ماڈل، اداکارہ اور میزبان علیزے گبول نے دوسری شادی کرلی ہے۔
ماڈل و اداکارہ علیزے گبول نے حال ہی میں اپنی انسٹاگرام پوسٹ کے ذریعے اپنے مداحوں کو خوش خبری سنائی ہے۔
علیزے گبول نے اپنے انسٹاگرام پر ایک تصویر شیئر کی جس میں ان کے ہاتھوں میں کوئی انگوٹھی پہنارہا ہے۔
ماڈل و اداکارہ نے اپنی پوسٹ کے کیپشن میں لکھا ‘نئی شروعات، الحمدللہ’۔
علاوہ ازیں علیزے گبول نے اپنی پوسٹ کے کیپشن میں ‘دل’ اور ‘انگھوٹی’ کے ایموجی کا بھی استعمال کیا۔
تاہم علیزے گبول نے اپنی پوسٹ کے ذریعے واضح اعلان نہیں کیا کہ آیا ان کی منگنی ہوئی ہے یا شادی۔
لیکن اداکارہ کی دوست شانزے شیخ نے اپنے انسٹاگرام اکاؤنٹ پر ایک اسٹوری شیئر کی جس میں انہوں نے علیزے کی انگوٹھی والی تصویر کے ساتھ لکھا کہ ‘الحمدللہ میری دوست اب شادی شدہ ہے’۔
ماڈل علیزے کی دوست کی اسٹوری سے بات ظاہر ہورہی ہے کہ یہ رشتہ ازدواج میں منسلک ہوئی ہیں۔
خیال رہے کہ ماڈل و اداکارہ علیزے گبول اس سے قبل اسامہ نامی شخص کے ساتھ رشتہ ازدواج میں منسلک ہوئی تھیں جن سے ان کی ایک بیٹی میرال ہے۔
بدقسمتی سے علیزے گبول کی یہ شادی زیادہ عرصے تک نہ چل سکی اور انہوں نے اسامہ سے راہیں جدا کرلیں۔