کراچی: پاکستانی ڈراموں کی تیزی سے اُبھرتی ہوئی اداکارہ شازل شوکت نے عمرے کی سعادت حاصل کرلی۔
اداکارہ شازل شوکت نے سوشل میڈیا پر اپنے روحانی سفر کی جھلکیاں شیئر کی ہیں، انہوں نے بتایا کہ وہ اپنے خاندان کے ہمراہ عمرہ ادا کررہی ہیں۔
شازل شوکت نے مکہ مکرمہ میں اپنے گزارے گئے روحانی سفر کی چند تصاویر شیئر کرتے ہوئے عمرے کی ادائیگی پر خدا کا شکر ادا کیا ہے، ان تصاویر اور ویڈیوز میں وہ پُرسکون اور خوش نظر آرہی ہیں۔
شازل کی پوسٹ پر ان کے چاہنے والوں نے انہیں عمرے کی مبارک باد دی اور نیک خواہشات کا اظہار کیا۔
شازل شوکت نے گزشتہ دنوں ایک پروگرام میں اپنی منگنی کا اعلان بھی کیا تھا۔