کراچی: ٹی وی ڈراموں کی مقبول اداکارہ لائبہ خان نے اپنے اہل خانہ کے ساتھ عمرے کی سعادت حاصل کرلی۔
لائبہ خان نے عمرہ ادائیگی اور مقدس مقامات کی زیارت کی تصاویر سوشل میڈیا پر شیئرز کیں، جس میں اُن کے ساتھ بہن ایمان خان اور والدین موجود ہیں۔
لائبہ خان نے اپنے اہل خانہ کے ساتھ مختلف تصاویر شیئرز کیں، جن میں سے ایک میں وہ فلسطین کی ثقافت کی ترجمانی کرنے والا رومال کفیہ کاندھوں پر ڈالی خانہ کعبہ کے آگے کھڑی ہیں۔
اس کے علاوہ انہوں نے اپنے والدین کے ساتھ مسجد نبوی سمیت مختلف مقامات پر بنائی گئی تصاویر بھی شیئرز کیں۔
لائبہ خان کو عمرے کی سعادت حاصل کرنے پر مداحوں نے مبارک باد دی اور دعاؤں میں یاد رکھنے کی اپیل بھی کی۔