حرا مانی کو بولڈ ساڑھیاں پہننا مہنگا پڑگیا، سوشل میڈیا پر شدید تنقید

کراچی: اداکارہ اور ہوسٹ حرا مانی کو حالیہ دنوں میں عید کے بولڈ لباس کی وجہ سے سوشل میڈیا پر شدید تنقید کا سامنا ہے۔
حرا مانی مقبول ڈراموں دو بول، کشف، سن یارا اور میرے پاس تم ہو میں اپنی جاندار اداکاری کے باعث شہرت حاصل کرچکی ہیں۔
انہوں نے عید کے موقع پر کچھ ایسی ساڑھیاں زیب تن کیں، جن میں ان کا جسم نمایاں طور پر ظاہر ہورہا تھا، جیسے ہی ان کی تصاویر سوشل میڈیا پر پوسٹ ہوئیں مداحوں نے ان پر سخت تنقید کرنا شروع کر دی۔
ناقدین کا کہنا ہے کہ حرا مانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ہے۔
ایک صارف نے تبصرہ کیا کہ حرا مانی دن بہ دن بولڈ ہوتی جارہی ہیں، ایک اور صارف نے کہا کہ یہ اداکارائیں پیسہ اور کام حاصل کرنے کے لیے ایسے لباس پہنتی ہیں۔
کچھ لوگوں نے ان کے شوہر اور بچوں کو بھی تنقید کا نشانہ بنایا اور کہا کہ وہ کس طرح اپنی والدہ کو ایسے لباس پہننے کی اجازت دے سکتے ہیں۔
ایک صارف نے تو یہاں تک کہا کہ نہ چہرے میں کوئی کشش ہے اور نہ ہی کپڑوں میں، جدید اور بولڈ لباس پہن کر بھی خوبصورتی نظر نہیں آتی، ایک اور صارف نے رمضان کے دوران ان کے آنسوؤں کو یاد کرتے ہوئے طنز کیا کہ یہ وہی ہیں جو رمضان میں روتی نظر آتی تھیں۔