کراچی: بہت کم عرصے میں اداکاری کے میدان میں لوہا منوانے والی اداکارہ و ماڈل ایمن سلیم رشتہ ازدواج سے منسلک ہوگئیں۔
ایمن سلیم سابق عظیم وکٹ کیپر سلیم یوسف کی صاحبزادی ہیں۔ اداکارہ ایمن سلیم نے ڈرامہ چپکے چپکے سے اپنے کیریئر کی شروعات کی، جس میں ان کے میشی کے کردار کو خوب پسند کیا گیا تھا۔
ایمن سلیم نے کامران ملک سے گزشتہ روز نکاح کیا اور اس حوالے سے انہوں نے انسٹاگرام کے ذریعے مداحوں کو خوش خبری سنائی۔
ایمن نے اپنے شوہر کامران ملک کے ساتھ تصویر شیئر کرتے ہوئے الحمدللہ لکھا۔
اداکارہ کی جانب سے اپنے نکاح کی اطلاع دیے جانے پر مداح ان کو مبارک باد دے رہے ہیں۔