کراچی: معروف ٹی وی میزبان اور اداکارہ انوشے اشرف کی شادی تقریبات شروع ہوگئیں۔
انوشے اشرف کی شادی کی تقریبات ترکیہ میں منعقد کی گئی ہیں، جہاں ان کے اہل خانہ سمیت قریبی رشتہ دار اور دوست احباب بھی موجود ہیں۔ ان کی مہندی کی رنگا رنگ تقریب کی ویڈیوز سوشل میڈیا پر خوب وائرل ہو رہی ہیں۔
ایک ویڈیو میں انوشے اشرف کو عروسی لباس زیب تن کیے اسٹیج پر ڈانس کرتے بھی دیکھا جاسکتا ہے۔ سوشل میڈیا پر انوشے کے مداحوں اور صارفین کی جانب سے ان کی ویڈیوز پر بھرپور ردعمل دیا جارہا ہے۔
انوشے کے مداحوں اور ساتھی فنکاروں کی جانب سے انہیں شادی کی مبارک باد پیش کی جارہی ہے اور نیک تمناؤں کا اظہار کیا جارہا ہے۔
خیال رہے کہ انوشے اشرف گزشتہ برس 30 جون کو اپنے قریبی دوست شہاب کے ساتھ نکاح کے بندھن میں بندھی تھیں، جس میں صرف قریبی عزیز و اقارب اور دوستوں نے شرکت کی تھی۔