کراچی: پاکستانی فلموں اور ڈراموں کی اداکارہ اور ماڈل ایشل فیاض کا فیس بک پیج ہیک ہوگیا۔
ایشل فیاض نے اپنے آفیشل انسٹاگرام اکاؤنٹ کی اسٹوری پر اپنے فیس بُک پیج کا اسکرین شاٹ شیئر کرتے ہوئے مداحوں کو یہ خبر دی۔
ایشل فیاض نے اپنی انسٹااسٹوری میں لکھا کہ میرا آفیشل فیس بُک پیج ہیک ہوگیا ہے اور ہیکرز انتہائی شرم ناک کنٹینٹ شیئر کررہے ہیں، میں اسے واپس حاصل بھی نہیں کرپارہی۔
ایشل نے مداحوں سے درخواست کی کہ وہ ان کے فیس بُک پیج کو رپورٹ کریں تاکہ جلد از جلد یہ بلاک ہوسکے۔
خیال رہے کہ ایشل فیاض کے فیس بُک پیج پر ہالی وُڈ فلموں کی نامناسب اور اخلاق باختہ ویڈیوز شیئر کی جارہی ہیں جو سوشل میڈیا پر وائرل ہورہی ہیں اور اداکارہ کے لیے پریشانی کا سبب بن رہی ہیں۔