کراچی: ٹی وی کی اُبھرتی ہوئی اداکارہ ایمن سلیم کے ہاں پہلے بچے کی ولادت ہوئی ہے، جس کی خوشخبری اداکارہ نے مداحوں کے ساتھ سوشل میڈیا پر شیئر کی ہے۔
ایمن سلیم نے فوٹو اینڈ ویڈیو شیئرنگ ایپ انسٹاگرام پر نومولود کے پیروں کی تصویر کے ساتھ ایک خوبصورت پوسٹ شیئر کی ہے، جس میں انہوں نے بیٹے کی پیدائش کی اطلاع دی۔
ایمن سلیم نے اپنی پوسٹ میں لکھا دو لوگوں سے تین افراد کے خاندان تک کا سفر، ہمارے بچے کے ساتھ گزشتہ 6 ہفتے ایک معجزہ رہے ہیں۔
ایمن سلیم نے بیٹے کا نام کیحان ملک بتایا اور اسے دنیا میں خوش آمدید کہا۔
خیال رہے کہ ایمن سلیم سابق کرکٹر سلیم یوسف کی بیٹی ہیں، اداکارہ دسمبر 2023 میں کامران ملک کے ساتھ رشتہ ازدواج میں منسلک ہوئی تھیں۔