کراچی: شہر قائد میں آتشزدگی کا افسوس ناک واقعہ پیش آیا ہے، جس کے نتیجے میں تین ننھے بہن بھائی جاں بحق ہوگئے، گھر میں آگ لگنے کا واقعہ کشمیر کالونی کے ایک گھر میں پیش آیا ہے۔
پولیس کے مطابق آگ 2 منزلہ عمارت میں لگی اور متاثرہ فیملی گراؤنڈ فلور پر رہائش پذیر تھی۔
پولیس کا کہنا ہے کہ واقعے میں جاں بحق ہونے والے بہن بھائی کی عمریں 6، 5 اور ایک سال تھی۔
پولیس کے مطابق آتش زدگی کے واقعے میں گھر کا سربراہ، بیوی اور بچی بھی زخمی ہوئے جب کہ آگ لگنے کی وجوہ تاحال سامنے نہ آسکیں۔