تین ہزار سال پُرانا پھل دینے والا انوکھا درخت

ایتھنز: یونان میں ایک زیتون کے درخت کو دنیا کا قدیم ترین زیتون کا درخت قرار دیا گیا ہے اور حیرت کی بات یہ ہے کہ یہ درخت آج بھی زیتون دیتا ہے۔
یہ درخت ’Olive Tree of Vouves‘ کے نام سے کریٹ جزیرے کے گاؤں اینو ووز میں واقع ہے۔
اس درخت کی عمر قریباً 3000 سال ہے جب کہ کچھ ماہرین اسے 4000 سال تک بھی بتاتے ہیں۔ یعنی حضرت عیسٰیؑ کے زمانے سے بھی قریبا ہزار سے دو ہزار سال پہلے کا درخت۔ اور یہ درخت آج بھی زیتون پیدا کرتا ہے۔
اس کا تنا بہت بڑا اور گھنا ہے جس کا محیط قریباً 12.5 میٹر (41 فٹ) اور قطر قریب 4.6 میٹر ہے۔
1997 میں اسے قدرتی یادگار کا درجہ دیا گیا اور قریب ہی زیتون میوزیم بھی قائم کیا گیا۔ یہ درخت نہ صرف اپنی غیر معمولی قدیم عمر کی وجہ سے مشہور ہے بلکہ اس کی شاخوں کو کئی تاریخی مواقع، جیسے اولمپکس کی رسوم میں بھی استعمال کیا گیا ہے۔