بیجنگ: چین میں تبت کی پہاڑیوں میں پائی جانے والی انگور کی ایک بیل نے دنیا کی سب سے پرانی بیل کا گنیز ورلڈ ریکارڈ قائم کردیا۔
زوگینگ کاؤنٹی میں موجود یہ بیل چینگڈو سٹی کے قدیم اور مشہور درختوں کے سروے کے دوران دریافت ہوئی جس کا معائنہ بعد ازاں چین کی ساؤتھ ویسٹ فارسٹری یونیورسٹی میں قائم ووڈ سائنس ریسرچ لیبارٹری نے کیا۔
محققین نے رِنگ انالسز اور طبعی پیمائش کرتے ہوئے بیل کی عمر کا تعین کیا۔
گنیز ورلڈ ریکارڈ نے ستمبر میں 416 سالہ اس بیل کے سب سے پرانی بیل ہونے کی تصدیق کردی۔
انگور کی یہ بیل سطح سمندر سے قریباً 2400 میٹر کی بلندی پر ہے۔ اس کی اونچائی قریباً 26 فٹ جب کہ چوڑائی 2 فٹ سے زیادہ ہے۔