کراچی: 13 ویں عالمی اُردو کانفرنس کراچی آرٹس کونسل میں جاری ہے۔ اس کا آغاز جمعرات 3 دسمبر کو ہوا ہے اور یہ 6 دسمبر 2020 کو اختتام پذیر ہوگی۔
اس کانفرنس میں اردو ادب کے چاہنے والے بڑی تعداد میں شرکت کررہے ہیں۔ اردو کانفرنس کے لیے مختلف موضوعات پر سیشنز رکھے گئے ہیں، جن میں دُنیا بھر سے اردو ادب کی نامور شخصیات آن لائن سیر حاصل گفتگو کررہی ہیں۔
کورونا وبا کی دوسری لہر کے دوران اس کانفرنس کا کامیاب انعقاد ہرگز آسان امر نہ تھا، اس کا تمام تر کریڈٹ صدر آرٹس کونسل کراچی احمد شاہ اور اُن کی ٹیم کو جاتا ہے۔
آرٹس کونسل میں کورونا وبا کے پیش نظر تمام تر احتیاطی تدابیر اختیار کی جارہی ہیں۔ انتظامیہ اور شرکا کی جانب سے ایس او پیز کی سختی کے ساتھ پاسداری کی جارہی ہے-