13 وفاقی وزرا، 11 وزرائے مملکت اور 3 مشیروں نے حلف اٹھالیا

اسلام آباد: وفاقی کابینہ میں بڑی توسیع، کیبنٹ میں شامل ہونے والے مزید نئے وزرا نے حلف اٹھالیا۔
ایوان صدر میں نئے وفاقی وزرا کی حلف برداری کی تقریب ہوئی، جہاں صدر مملکت آصف علی زرداری نے نئے وفاقی وزرا سے حلف لیا۔
تقریب میں وزیراعظم شہباز شریف اور دیگر وفاقی وزرا بھی موجود تھے۔
وفاقی کابینہ میں مزید 13 وزرا اور 11 وزرائے مملکت کی شمولیت ہوئی ہے، جس کے بعد وفاقی کابینہ کی مجموعی تعداد 31 ہوگئی ہے۔
حلف اٹھانے والے وفاقی وزرا میں حنیف عباسی، ڈاکٹر طارق فضل چوہدری، معین وٹو، مصطفیٰ کمال، سردار یوسف، علی پرویز، شزہ فاطمہ، جنید انور، خالد مگسی، پیر عمران شاہ، اورنگزیب کھچی، رانا مبشر، رضا حیات ہراج شامل ہیں۔
حلف اٹھانے والے وزرائے مملکت میں بیرسٹر عقیل ملک، ملک رشید، ارمغان سبحانی، طلال چوہدری، کھیئل داس، رحمان کانجو، بلال کیانی، مختار بھرت، شذرہ منصب، انور چوہدری، وجیہہ قمر شامل ہیں۔
اس کے علاوہ توقیر شاہ اور محمد علی سمیت وزیراعظم کے 3 مشیروں نے بھی عہدے کا حلف اٹھالیا۔

Ministers of StateNew Federal MinistersPresident Asif Ali Zardaripresident houseThree Advisor to PMtook oath