کورونا وائرس کی نئی قسم بھارت بھی پہنچ گئی

کورونا وائرس کی نئی قسم بھارت پہنچ گئی ہے،تفصیلات کے مطابق لندن سے بھارتی شہر کولکتہ پہنچنے والے تین مزید مسافروں میں تین روز قبل کورونا وائرس کی تصدیق ہوئی ہے،اس سے قبل اسی فلائٹ سے کولکتہ آنے والے دو مسافروں میں کورونا کی تصدیق ہوئی تھی، جن میں سے ایک کورونا وائرس کے نئے اسٹرین سے متاثر تھا۔حکام کے مطابق یہ پانچوں مسافر ان 222 مسافروں میں شامل تھے جو 20 دسمبر کو لندن سے کولکتہ پہنچے تھے۔محکمہ صحت کے مطابق اس سے قبل دو افراد جو اسی فلائٹ سے لندن سے کولکتہ آئے تھے وہ بھی کورونا وائرس سے متاثر پائے گئے ہیں، ان میں سے ایک کورونا وائرس کے نئے اسٹرین سے متاثر تھا۔