راولپنڈی: ڈی آئی خان میں سکیورٹی فورسز کے آپریشن کے دوران دو دہشتگرد ہلاک اور پاک فوج کے کرنل شہید ہوگئے۔
پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے خیبر پختونخوا کے ضلع ڈیرہ اسماعیل خان میں دہشت گردی کی کوشش ناکام بنا دی۔
فورسز نے خفیہ اطلاعات پر ڈی آئی خان کے علاقے ٹانک کے قریب آپریشن کیا جس کے دوران دو خطرناک دہشت گرد مارے گئے۔
فائرنگ کے تبادلے میں کرنل مجیب الرحمان بھی شہید ہوگئے۔ ان کا تعلق استور کے علاقے بونجی سے تھا، انہوں نے پسماندگان میں بیوہ،تین بیٹے اور ایک بیٹی چھوڑی ہے۔
اطلاعات کے مطابق دہشت گردوں کے ٹھکانے سے بڑی مقدار میں گولہ بارود بھی برآمد ہوا۔