پنجاب میں کورونا کی صورتحال کے پیش نظر تعلیم ادارے بند کرنے کے حوالے سے اجلاس کے بعد پنجاب کے وزیر تعلیم مراد راس نے کہا کہ پنجاب کے 13 اضلاع کے اسکول عید الفطر تک بند رہیں گے۔تفصیلات کے مطابق لاہور،راولپنڈی، ملتان، فیصل آباد سمیت پنجاب کے 13 اضلاع میں اسکول عید تک کے لیے بند کر دیے گئے۔صوبائی وزیر تعلیم نے کہا کہ متاثرہ 13 اضلاع میں 19 اپریل سے نویں تا بارہویں کلاسیں پیر اور جمعرات کو ہوں گی جبکہ پنجاب میں نویں تا بارہویں اور اے او لیول کے امتحانات اپنے شیڈول کے مطابق ہوں گے۔وزیر تعلیم پنجاب مراد راس نے مزید یہ بھی کہا ہے کہ آج کے فیصلوں پر نظر ثانی کے لیے اجلاس دو ہفتوں بعد ہو گا۔