اسلام آباد: پاک فوج کے امن مشن دستے کی کانگو میں امدادی سرگرمیوں کو اقوام متحدہ نے زبردست انداز میں سراہا ہے، ترجمان اقوام متحدہ کہتے ہیں پاکستان اقوام متحدہ امن مشنز میں کلیدی حصہ دار ہے۔
پاکستان عالمی امن کا پیامبر، انسانیت کا محافظ ہے۔ کانگو سیلاب میں سیکڑوں جانیں بچانے پر اقوام متحدہ نے پاک فوج کی خدمات کا اعتراف کرتے ہوئے پاکستانی امن مشن کو زبردست خراج تحسین پیش کیا۔
اقوام متحدہ نے پاکستان کی امن کاوشوں، انسانی ہمدردی کی سرگرمیوں کا برملا اعتراف کرتے ہوئے کانگو میں سیلاب کے دوران پاکستانی امن مشن کی خدمات کو خراج تحسین پیش کیا ہے۔
اقوام متحدہ کے ترجمان نے پاک فوج کی امدادی کارروائیوں پر مبنی آئی ایس پی آر کی ویڈیو سوشل میڈیا پر شیئر کرکے لکھا کہ دیکھیں کیسے پاک فوج نے تباہ کن سیلاب سے سیکڑوں زندگیاں بچائیں۔