اسلام آباد: کورونا وبا کے دوران متاثرین کی امداد کے لیے قائم کردہ وزیراعظم ریلیف ٹائیگر فورس کی عالمی سطح پر بھی خوب پذیرائی کی جارہی ہے۔
معروف برطانوی اخبار ٹیلی گراف نے ٹائیگر فورس سے متعلق اپنے مضمون میں لکھا ہے کہ مشکل وقت میں پاکستان نے سب سے بڑے وسائل کو استعمال کیا، قومی جذبے سے سرشار نوجوانوں پر مشتمل ٹائیگر فورس بنائی گئی ہے۔
فورس میں لاکھوں نوجوان رضا کارانہ طور پر شامل ہیں۔ اخبار نے مزید لکھا ہے کہ پاکستان کی دو تہائی آبادی نوجوانوں پر مشتمل ہے۔ سول رضاکاروں پر مشتمل فورس غریبوں تک امداد پہنچائے گی۔