حکومت نے 24 سرکاری اداروں کی نج کاری کا فیصلہ کرلیا

اسلام آباد: مرکزی حکومت نے 24 سرکاری اداروں کی تین مراحل میں نج کاری کا فیصلہ کیا ہے۔
وفاقی وزیر برائے نجکاری عبد العلیم خان نے سرکاری ادارو ں کی نجکاری کی تفصیلات قومی اسمبلی میں پیش کر دیں۔
عبد العلیم خان کی جانب سے قومی اسمبلی میں پیش کی گئی تفصیلات کے مطابق پہلے ایک سال میں 10 اداروں کی نجکاری کی جائے گی، پھر اگلے ایک سے تین سال میں 13 اداروں کی نجکاری ہوگی، ایک ادارے کی نجکاری کے لیے 3 سے 5 سال کا آخری مرحلہ ہوگا۔
قومی اسمبلی میں جمع کرائے گئے جواب کے مطابق پہلے مرحلے میں قومی ایئرلائن، روزویلٹ ہوٹل اور زرعی ترقیاتی بینک کی نج کاری ہوگی، آئیسکو سمیت 3 ڈسکوز کی نج کاری بھی پہلے مرحلے میں کی جائے گی۔
علیم خان نے بتایا کہ دوسرے مرحلے میں یوٹیلٹی اسٹورز کارپوریشن اور چار جنکوز کی نج کاری کی جائے گی۔ لیسکو سمیت 6 ڈسکوز کی نج کاری بھی دوسرے مرحلے میں ہوگی۔

24 Govt OrganizationGovt of PakistanPrivatization